राजस्थान युवा संघ अर राजस्थान फाउंडेशन सूरत चेप्टर रै संयुक्त तत्वाधान मांय
राजस्थानी कवि सम्मेलन अर
मायड़ भासा रा प्रचार रो लियो संकल्प
सूरत।मायड़ भासा राजस्थानी ने सुप्रीम कोर्ट सूं मिलेली मान्यता रो समाचार सुणतां ही राजस्थान युवा संघ द्वारा आज सांझ संघ कार्यालय में एक विशेष बैठक रो आयोजन करायो गयो। इण अवसर पर सगळा समाजबंधुआं अर युवा कार्यकर्तायां ए घणी खुशी व्यक्त करी अर एक-दूजा ने बधाइयाँ दी। साथ ही आपस में गुड़ खिलाकर खुशियां मनाई अर बधायां दी.
बैठक में राजस्थानी भासा रा संरक्षण, प्रचार-प्रसार अर नई पीढ़ी तक मायड़ भासा पहुंचावण बाबत विस्तार सूं चर्चा करी गई। ईं अवसर पर रामावतार पारीक बतायो कै राजस्थानी भासा म्हारी संस्कृति, परंपरा अर अस्मिता री पिछाण है, अर आ मान्यता सगळा राजस्थानियां खातर गरब अर हरख रो विषय है।
राजस्थान युवा संघ रा पदाधिकारी अर कार्यकर्तायां ओ संकल्प लियो कै मायड़ भासा नै घर-घर पुगावंण अर युवा पीढ़ी में मायड भासा प्रेम जागृत करबा खातर समय-समय पर सांस्कृतिक अर सामाजिक कार्यक्रम आयोजित करया जासी । बेगा ई राजस्थानी भासा रै प्रचार-प्रसार अर मायड़ भासा नै जन-जन तांई पुगावंण खातर मायड़ भासा मैं भव्य कवि सम्मेलन आयोजित करायो जावेलो.
बैठक में उपस्थित समाजबंधुआं ए एक सुर में उद्घोष कर्यो —
✨ “आपणी भासा आपणो मान — जय जय राजस्थान” ✨
ईंण अवसर पर किशोर
सिंह शेखावत, योगेन्द्र शर्मा, जगदीश शर्मा, राजेंद्र चौधरी, विनोद सारस्वत, पंकज शर्मा, मनोज वैष्णव, राजू शर्मा, महेंद्र चौधरी ,प्रमोद शर्मा अर अन्य कार्यकर्ता हाजर रया ।
